Aroa Proyecto XXI

Martxoan Aroa Proyecto XXI ezagutzera joan gara, ehungintzako dekorazioak banatzera zuzendutako profesionalentzako enpresa. Olga Berasategui merkataritza-zuzendaria izan zen Jundizko industrialdeko bulegoan ongietorria emateaz arduratu zen pertsona.

Aroa Proyecto XXI Gasteizko enpresen hazitegian sortu zen, 2010 urtean. 10 urte geroago, pandemia hasi baino lehen, urrats bat gehiago eman zuten instalazioak enpresari handitzen laguntzeko hedatuz. Horregatik, Jundizera mugitu ziren leku handiago baten bila, eta horrek aukera eman die merkatu-lerro berriak merkaturatzeko ziurgabetasuna egon arren.

«Produktuaren aukera zabala dugu eskuragarri. Ehunen bidez apaintzeko behar den ia edozein salgai dugu. Jantzigintza-osagarrietatik gure produktu nagusira, hau da, ehuna dauzkagu, baita dagoeneko eginda dauden salgaiak ere».

Merkatuko joerei dagokienez, Olga Berasateguik zioen moduan, «ehunek indarra galdu zuten une minimalistatik dekorazio mota horrek ematen duen epeltasuna bilatzera joan gara. Etxeko osagarriek duten garrantziaz ohartu gara».

Olgak esaten zigunaren arabera, Aroa-n bezeroei produkturik onenak eskaini nahi dizkiete, «hornitzaile-enpresa ospetsu eta indartsuek» laguntzen dietelako. «Laguntza horri esker, oso lehiakorrak izan gaitezke», dio Olgak. Beraz, Aroa Proyecto XXI-ren helburua dekorazio-merkatuaren erreferente bihurtzeko lanean jarraitzea da.