'Panattoni Park' parke logistikoaren aurkezpena, Jundizen

25-02-2023

Otsailaren 21ean “Panattoni Park Vitoria” aurkeztu zen, Panattoni Iberia enpresaren gune logistiko berria. Jundizko enpresa-parkean eraiki da, 56 900 m2-ko lursailean.Proiektuaren lehen fasea 20 200 m2-ko eraikin malgua eraikiz osatu da; horrela, instalazioak 2400 m2-ko zazpi modulu arte bana daitezke. Modulu bakoitzak bulego-eremu zabala, hiru zamalanetako kamioi-kai eta mailan sartzeko arrapala dauzka.

Parke logistikoa eraikitzeko azken belaunaldiko materialak eta eraikitze-sistemak erabili dira, energia-kontsumoa murrizteko eta eraikinaren eraginkortasuna hobetzeko xedearekin.Bere kokapen pribilegiatuari esker, proiektua merkataritza elektronikorako eta azken miliako banaketarako zentro gisa erabil daiteke.Ekitaldian Jundizko Enpresen Elkarteko ordezkariak, Manu Allende (elkartearen presidentea, Alegria Activity-koa) eta Tomás Pérez Merino (Ucieza enpresakoa) joan ziren.

Proiektu hau edo Panattoniren beste garapen batzuk ezagutu nahi badituzu, helbide honetaren bidez jar zaitezke harremanetan: comercial@panattoni.com.