Redur enpresak cross-docking zentro berri bat jarri du Gasteizen, Jundizen

25-01-2022

Redur operadore logistikoak Gasteizen cross-docking plataforma berri bat sortzeko obrak hasi ditu. Instalazioak 4.672 metro karratuko nabe bat edukiko du 14.000 metro karratu baino gehiagoko partzela batean: partzelan, ibilgailu astunetarako 48 nasa egongo dira, eta ibilgailu arinetarako 11 nasa.

Enpresak 5 milioi euroko inbertsioa egin du nabe logistikoa eraikitzeko, eta markak Espainiaren iparraldean duen zentro nagusia izango da: Bizkaiko, Gipuzkoako, Burgosko, Santanderko, Errioxako eta Nafarroako sukurtsalei emango die zerbitzu.

Bestetik, instalazio berria eraikitzeko egitasmoa ‘Redur Calidad 2023’ plan estrategikoaren parte da, zeina enpresaren sareko askotariko guneak azken belaunaldiko instalazio berriez hornitzeko asmoz taxutu baita.

Gasteizen kokatuko den plataforman, salgai-kopuru handiak jasoko dira ordu-tarte mugatu batean, penintsula osoari 24 orduz zerbitzu eman ahal izateko. Nabe logistikoak Vanderlande enpresaren pakete-sailkapena erabiliko du (orduan, 5000 pakete sailkatzeko gai da). Instalazioak, gainera, 15 eta 25 gradu artean klimatizatuta egongo dira, farmazia-enpresei zerbitzu eman ahal izateko, bezero nagusietako bat direlako.