EGA Master eta A&B Laboratorios de Biotecnología Quality Innovation Award 2018 sariaren irabazleak beren kategorietan

22-02-2019

Ega Master eta A&B Laboratorios Quality Innovation Award 2018 sariaren 7 euskal irabazleen artean daude eta otsaileko azken astean Pekinen ospatuko den nazioarteko fasean lehiatuko dira. Gainera, Ega Master-ek Espainiako fasean irabazi du. Ospe handiko sari hau 2007an jaio zen mundu osoan proiektu berritzaileen kopurua eta kalitatea handitzeko asmoarekin eta, era berean, erakundeen eta herrialde parte-hartzaileen lehiakortasuna areagotzen laguntzeko helburuarekin.

Euskadiko fasean Ega Master-ek ETEen kategorian irabazi zuen eta Espainiako absolutuan, neurrira egindako 4.0 ingeniaritzako irtenbide industrialen negozio-linea berria sortzeko praktika berritzailearengatik, Smart Stations direlakoak buruan. Bestalde, A&B Laboratorios Berrikuntza Arduratsuaren kategorian izan zen irabazle. Sari hauek gertaera oso garrantzitsua dira Jundizeko Parke Industrialerako haiekin dakarten ospearengatik, nazioarteko etorkizunarengatik eta aukera berriak erakartzeko abagunearengatik.

Horretaz gain, A&B Laboratorios de Biotecnología Europako Batzordeak antolatzen dituen European Business Awards for the Environment (EBAE) sarietan saritu dute Garapen Jasangarrirako Helburuak bere enpresako plan estrategikoan integratu dituelako. Izen handiko saria, Europa mailan sektorearen buruan kokatzen dituena.